| A7SAS-SARA's profile± ||[ أحـساس سـااره ! ...PhotosBlogLists |  Tools  Help |
|
September 11 ± ||[ بعضاً من سواليفي! ]|| ± الفضاوة اللي فوق علشان نجرجر العالم ويدخلو يقرون ماسطرته أنا << سطرته ولا رفسته يمديكم على الثقافة العربية إلي عنديكـيـف حـالكم واحد واحد وكلن باسمه حلفت بالله عليكم ما تقومون لين تقرو موضوعي كله او تقسومه أقساط >> أقول خلصي بس ولا طايح بقلبك ( بدينا بالغلط لساتنا بـأول الموضوع ) تنويهه: لقراءة هذا الموضوع يلزمك زقارة ملبورو أبيض أحمر لا فرق ..كوب ليمون شاهي..ويحبذ ان يكون سكر زياده هذه بعضاً من سواليفي الله يسلمني ويخليني لـ هلي عارفين اجازه وعطله طويله كانت طويله والفاضي الي مثلي يعمل قاضي وبودي اصير حركات واجلس اسولف اسولف واقول لكم حكايات ومواقف و من اول يوم بالعطله حسيت بزهق و اطلقت صرخه في البيت وقلت زهقاااااااانه طفشااااااااانه متى نرجع للدراسه وربي مو حباً للدراسه ولاني بدافوره درجاتي كلها كامله بس مو الاولى تراها كامله الدسم ثقيله حيل وتعل من يشوفها بس نحمد الله على النجاح ومن الحين اقول لكم الي مايبي يقراء السواليف ويرد فـ ياليت يطلع بكرامته ويرويني عرض اكتافو عشان سوايلفي طويلهفـيا بجيه النوم يا بشوتني بالماوس الي قباله بس ولايهمكم كلها فيها حكم وفوائد( يمديني يـ حكيمة زمانك) والي معه اشغال وارتباطات ياليت يحول لنا كم شغله لان من زود زهقي اجلس اعد اصابيع رجليني
كله احساسي انهم خطا مره احس انهم بزياده واحد ومره انهم اقل بواحد ولا أبدا أعد جدران البيت واوقف بنص الطريق خخ اقول الحين
السقف تبع الجدران ولا البيبان
× بما اني تكلمت وجبت طار يالدراسه فـ اذكر سالفة عن الدراسة مش ممكن ابدآ ابدآ مهما يكون أنساها ولا بنات فصلي راح ينسوها حصه القرآن من امتع الحصص معنا معلمه ولا احلى الله يذكرها بلخير ابله مريم مسكينه زوجها تزوج عليها وهي قمر بس رهيبه هـ الابله درستني حول الثلاث سنوات عمري كله ماشفتها في يوم من غير مكياج.. والي يقهرني كل يوم مكياج كامل تقول رايحه للزواج اذا يوم غابت الكل يقول الظاهر خلص مكياجها ولا تقدر تطلع من بيتهم.. مع انها جميله ولا ينقصها شئ بس تعلقها بالمكياج لا طبيعي ( مو كأني دخلت بسالفه ثانيه ) نرجع المهم ذاك اليوم بالحصه اعتراني ( اوقسم بالله اني عضلات على كلمة اعتراني بس عسى مهيب شينه وانا مدري)
حماس اني اشارك بالحصه واقراء وابله مريم ماتقوم الي جالسين قدام ابد ( تبي تعلمكم انها دافوره وتجلس قدام )
وبعد ماخلصت قراءه هي قالت مين يشارك وانط انا بكل حماس واوقف لها واقول انا انا انا بقرا
وربي ماسمعت بعد هالكلمه الا عالم تضحك ومتسدحه ضحك وابله مريم تقول لا ياساره انتي بطه مو بقراوالله يضربني الخجل والحيا والفشله والله من زود حماسي خلاص منيب بقرا انا دوبه يرضيكم وبعدها كل حصه قران بعد ماتخلص ابله مريم تخزني بعينها وتقول يالله يـ.... اقري × سالفتً ثانيه مع نفس الابله الدجه مره كانت تنقلنا اسئله اختبار والكل يرتجف من بعد تهديدها ان الاختبار صعب وتوصل لسؤال تقل ضعي علامة خطأ او غلط مع التصحيح !!!! واحنا ياهو يا ابله وين غلط او خطا حددي موقفك ولا بنعلم عليك الاداره جالسه تغششي انها كلها خطا × البرشومه ورقه يكثر استخدامها وقت الاختبارات صغيره حجمها حجم قرطاسه علك ابو سهم بداخلها يتم كتابه المنهج كله من تعاريف وتعاليل وادله ورسمات وجداول ورقم صفحات شخصياً ولا عمري تعاملت معها لكن ياكثر المواقف الي شفتها منها آخر موقف كان في الاختبارات هذه منها موقف البنت هلا ( اسمها هلا ) تغش مع بنت بأول القاعه وهي بأخره واساليب غشهم اما بالكح ولا العطس ولا الـ احم احم واحلى شئ لما تكح بوسط كحتهم وتلخبط
الدنيا لهم ولا لما تكتب على مسطرتها القوانين وتجيب معها آلتين وحده مبرشمه فيها والثانية تحسب فيها ويازيني ذاك اليوم ناسيه آلتي
واقول استازه ابي آله والحلوه هلا جنبي وتخزني واخزها ( ههه قانونين مو حافظتهم قلت اغشهم منها نستفيد منها مو بس هي تبي تنجح )
ويوم كان معنا اختبار صعب والبنات تحوس بالاسئله وتخربط اهم شئ تعبئ دفتر الاجابه مانشوف الا صاروخ يجبنا من قدام ودج قبالي والله وتجيني ام الركب ميته خوووف برشومه البنت قدامي كانت تبي تشوتها لـ هلا بس من حسن حظي ( الا من سواده ) جت قبالي اشيلها ولالا
!! والشيطان يلعب براسي ( والله اني قويه اذا الشيطان يلعب براسي ومن زينه راسي ) شيله ياساره الاسئله صعبه ويمكن تلاقى الاجابه فيه !! يأ تخيلي ترسبي بالماده حرااام والله حرام بنت شطوره مثلك ترسب ( موب كلامي تراه الشيطان يتكلم .. والله وطلع له لسان ) ذكرت الله وقلت من جد وجد ومن زرع حصد وكل واحد يأخذ نتايج تعبه <<فاهمه غلط واذا ابي اسوي خير اشوتها لـ هلا احسن لي والله واشوتها لها الا المراقبه حست بحركه وتجينا طيران ومانشوف الا هلا اخذتها من على الارض وتبلعها !!!!!!! هههههههه وكلنا منفجرين ضحك والكل يطالعها بنص عين نبي نزيد شك المراقبه فيها والبنت مو قادره تتكلم ههههه والمراقبه تسألها وش اخذتي من الارض تقول برايتي ( والله والكذب البنت مامعها لا برايه ولا محايه )
والله ماقهرني الا انها ماغشت منها ×
المقاضي مقاضي البيت كلمه من تذكرها لـ ابو البيت يقول الله يستر .. عمري ماجربت اقضى للبيت شئ بس العام الماضي لما سافر بابا وماما ( تتوقعو لو قلت لهم ماما بابا قدامهم بردو عليي ههه اتوقع ولا بيلتفتو لي اصلا)
وبئيت انا ام وابو البيت وصار البيت ملكي وناسه المهم وصارت اغراض ناقصه في البيت والشغاله سجلتهم بورقه ويالله ياساره خليكي رجالة البيت قومي قضيهم وادق ع السواق ويلا شغل السياره بروح معكم واحاسب << اهم شئ وانا مسويه قويه واروح مع اخويا الصوغير وناخذ لنا العربيه الي ماظلت لفه في السوبر ماركت مافحط فيها اخوي ماخذ حريته الولد اكيد اول شئ رحنا له مكان الحلويات وهههه نص اغراضنا حلويات ونضيع من بين الاغراض الشاهي وش ناخذ الحين ؟؟ الربيع ولا ليبون ولا الضيافه المكرونه وش ناخذ الاصفر ولا الاحمر ولا الازرق .. والمايونيز ناخذ للبرجر ولا للسلطه ولا بالثوم ولا بالبصل ؟!
وناخذ الي نحتاجه والي مانحتاجه
والله حوسه الحين ناخذ الاغراض على عدد الي بالبيت ولا وحده بس .. قسم بالله حسيت بصعوبه الموقف اول مره يوقف تفكيري ( يمكن الاشاره حمرا .. ومتى مشى هو ) كنت افكر نروح ونحط اغراض وبس !! وهذه بقدونس ولا كزبرا ! وهذه طماط ولا بندوره ههه المهم طلعنا ونص فلوسنا راحت الله لايبارك فيهم
( ناويه العب بنص الفلوس الي أعطاني أبوي بس راحت )
<< من حفر حفرتاً لـ اخيه وقع فيها ) وش يبي ذا المثل ) ونرجع للبيت وبالليل ما اشوف الا ورقه مقاضي ثانيه وتبداء المعانه مرةً ثانيه مو قهر انتي وجهك وراء ماتمدجين ورقة مقاضي الظهر مع ورقة مقاضي الليل ونفتك من هالقلق اليومي ( والله ماحد جابرني اروح اشتري خلاص هونت السواق يجيبها )
واكثر شئ قاهرني لما نشتري اغراض عدله و اشوف الغداء رز بالله عليكم وين راحت البقسماط و الكيك و البرغل وغيره من الي شريته كان قلتو نشتري رز و خلصنا بس والله طلعت بفايده صرت اعرف افرق بين الكزبره والبقدونس وبين الجبنه المالحه واللبنه .....وبين ....و
× اسمك ؟ عمرك ؟ من وين ؟ هواياتك؟ هذه اول اسئله تتسأل لما تتعرف على احد وكلهم اقدر اجاوبهم الا الاخير من يوصلو له يا استأذن يا اهرب هع بجد صعب وش هواياتي وش هواياتي .. يطرى على بالي تجميع الطوابع ولا العمل النقديه ( يازيني وانا اجمع طوابع طيب ليه مو تجميع قواطي
ولا التزلج فوق السطوح.. ولا TVوالله ماهنا الا
النت والنوم والاكل وان زادت لعب سوني مع اخوي وكله انا مهزومه والي ماعنده هوايه محدده وش يجاوب على هـ السؤال انا يازيني تبع كلو كل يوم ناطه لي بهوايه.. يوم اقول بتسنع وبجلس اقراء كتب واقول هوايتي القراءه تلاقوني اقراء كتاب 200 صفحه وبعد يوم اسألوني وش قريتي فيه اقول نسيت ؟! (ا الي هوايتها الطبخ هنئ يالها ( احب المطبخ بس ما اعرف اطبخ ) ×يمكن الي يقول هوايته النط والسباحه والجري نقول تمام بس اوقات يطلعو لك بهوايات غريبه !! احس انكم تعبتو من سواليفي طيب طيب اعصابكم بختم المهم العذر والسموحه على الاطاله بس فاضيه وللحين مابدا دوامي
وهذا موضوع اعتبروه عربون توثيق اواصر المحبه ( يازيني اذا
 تميلحت ) وعلى فكره معي سواليف
ازيد من هذه بس بقولها المره الجايه ياخوفي يشوتوني لالا بجد هذا موضوعي الاول لسواليفي معكم واتمنى يحوز رضاكم واللي ما يحوز رضاه يعلمني علشان ادور رضاه اواجيبوه من ذيله يازين اسلوب
الاقناع وانتظرونا في موضوعاً آآخر __________________ Comments (35)
TrackbacksThe trackback URL for this entry is: http://a7sas-sara.spaces.live.com/blog/cns!8ACDD0FBF8258393!889.trak Weblogs that reference this entry
|
|
|
